Фустанче подарено од луѓе чии деца не го носат. „Не ново но е чисто, го исправ за кај доктор Снеже биде чисто детето“, раскажува Фатмира. Во овој дел од населбата Шуто Оризари граѓаните немаат вода, земаат од кај соседите, а многу често немаат ниту за перење ниту за бањање.
За Фатмира најголема среќа е што по цели три децении живот, таа пред четри години добила матичен број, а најмалото од четирите деца треба деновиве да добие извод. Многу значи што има разбирање кај докторите и детето кога и да има здравствен проблем го прегледуваат. Малата Хасрет со мајка и заминаа во здравствениот дом. Патот прашлив, под силното сонце уште потежок. Пеш имаат десетина минути.
Видео прилогот е изработен во рамки на проектот „Промена на негативниот наратив кон Ромите во здравствените установи” финансиран од Фондација Отворено општество – Македонија.
Во изминативе месеци во Скопје, Штип и Битола се одржаа три форум-театарски претстави насловени „Дали факултетот вака нè учи?”. Во продолжение следува првото видео.
Ви ја претставуваме третата форум-театарска претстава на ХЕРА „Сруши го ѕидот“ преку која, повторно, надвор од ординациите и амбулантите, ги споивме на едно место здравствените работници и Ромите.
Оваа година, претставата ја организиравме заедно со нашите партнерски организации Амбрела, КХАМ и Баирска светлина.
Голема благодарност до тимот: Игор Ивковиќ, Александар Самарџиев, Емра Куртишова, Огнен Велевски, Орнела Гани, Елена Ѓорѓевска, Кенан Таир и Благица Стоименова и Марко Новески.
Дваест и шестгодишната Сенада Сали е правник во Европскиот Центар за правата на Ромите. Желбата преку адвокатурата да стигне до вистината и да им помогне на загрозените била пресудна да навлезе во правото како бранител на правата на Ромите. Младата тетовчанка течно говори пет јазици, а успехот вели им го должи на сплетот на животните предизвици и блиските кои секогаш ја бодреле да им пркоси на стереотипите.
Видеото е изработено како последователна активност на работилницата за новинар(к)и и студент(к)и по новинарство на тема „Предизвиците на истражувачкото новинарство во дигиталната ера“ во организација на H.E.R.A.
Три генерации на жени од ова семејство оваа година треба да ги добијат сите лични документи. Тие престануваат да бидат „невидливи“ за системот, а со тоа добиваат можност да ги остварат своите здравствени, социјални и образовни права.
Неофицијално во Македонија има околу три илјади луѓе без матични броеви. Позитивна вест е што од први април 2018 година, до Управата за водење на матична книги може да поднесат барање за соодветно запишување.
Во рамките на проектот за менување на негативните наративи за Ромите во здравствените институции, кој е финансиски поддржан од Фондација Отворено општество – Македонија, ХЕРА на 9-ти март 2018 год. во хотел „Порта“, Скопје одржа работилница за новинари и студенти по новинарство на тема „Предизвиците на истражувачкото новинарство во дигиталната ера“.
Еднодневната работилница беше наменета за новинари и студенти на завршни студии по новинарство и имаше за цел:
Подобрување на знаењата и вештините за изработка на инклузивни и недискриминаторски стории во медиумите;
Основи на истражувачко новинарство и користење на социјалните медиуми во креирање на успешна медиумска сторија;
Сензибилизирање на новинари и стекнување напредни знаења за социо-културните карактеристики на Ромите и менување на негативните наративи за Ромите помеѓу општата популација и здравствените работници.
Предавачи на работилницата беа Боби Христов, уредник и новинар во ТВ Телма, Бојан Кордалов, специјалист за односи со јавност и нови медиуми и Љатифе Шиковска, активистка од НВО „Амбрела“.
Покрај проширувањето на знаењата од областите кои беа опфатени со работилницата, студентите по новинарство имаа можност и да учествуваат во процесот на подготовка на истражувачки видео-прилог или статија, како последователна активност од работилницата.
Медиумите мора да се наш сојузник во борбата против дискриминацијата затоа што само заедно можеме да ги промениме нештата. Заедно да создадеме нови приказни во здравството!
Идриз Абриоски од Шуто Оризари е еден од 800 лица во државата кои се невидливи за системот. Без лична документација се и неговите деца бидејќи за да го докаже татковството, на Идриз му бараат ДНК анализа, која чини премногу.
„На улица моите деца ги викаат фантоми, а не се фантоми. Тие се тука родени, во Македонија“, вели Идриз.
Во Македонија, околу 800 лица, најголем дел Роми, живеат без документи. Тие се невидливи за системот, не се социјално заштитени и немаат здравствена заштита. Граѓанските организации бараат да се воведе посебна програма за здравствена заштита за “невидливите” која ќе биде минимално оптоварување на буџетот од една страна, а од друга страна ќе биде решение за проблемите со кои се среќаваат недокументираните лица.Видеото е изработено во рамките на проектот за менување на наративи кон Ромите во здравствените институции, финансиран од Фондацијата Отворено општество – Македонија.#ЗдравствоБезДискриминација
Доброто здравје е загарантирано право, а не привилегија. Сите пациенти и здравствени работници имаат свои права, но и обврски. Уставот и законите ги чуваат овие права како што лекарите треба да го чуваат вашето здравје. Погледнете го видеото и дознајте кои се правата и обврските на пациентите и на здравствените работници >>
Санела Емин е една од малкуте дипломирани актерки Ромки. Високото образование го завршува на Факултетот за драмски уметности во Скопје. Зад себе има бројни претстави во кои имала главни улоги.„Откако го завршив факултетот, имав значајни улоги меѓу кои и драмата „Бегалка“ која ја опишува приказната во која девојката не ја почитува волјата на својот татко и наместо да се омажи за човекот кој ѝ го избра семејството, таа решава да побегне со момчето што таа го сака”, – вели актерката Санела. Повеќе »
