Благодарение на медијациските состаноци кои како параправнички ги остваруваат со одредени гинеколози, според истражувањата од 2015 и 2016 година, незаконската наплата на гинеколошки услуги е намалена за 28%. Исто така, некои гинеколози престанале и да наплаќаат.
Јас сум Елизабета Ѓеорѓиевска, воспитувачка во Детската градинка „Весели Цветови“ од Делчево со 25 години работен стаж. Понудата која ја добив од НВО „КХАМ“, јас да бидам претставник од Р. Македонија во рамките на чекор по чекор програмата и да бидам дел од студиската посета во Букурешт за мене беше големо признание, но и предизвик. Понудата ја прифатив без двоумење затоа што размената на искуство, пред сѐ практичното искуство, се најсилни алатки во нашето работење.
Повеќе »
Моето име е Нерџивана, имам 15 години и мажена сум во Шуто Оризари за мојот сопруг Рамадан. Не знам од кои причини мојата мајка Ашима мене и постарите сестри не не пријавила навреме во матичната книга на родени, поради што останавме без извод, само знам дека сум родена дома, а не во болница.
Во меѓувреме останав бремена и тогаш започнаа проблемите со семејството на мојот сопруг бидејќи немав лични документи.
Повеќе »
Д-р Владимир Трајковски и д-р Александар Блажевски, спец. гинеколози акушери, говорат за нивните искуства при работењето со најранливите групи на граѓани во нашето општество и нивната долгогодишна соработка со ХЕРА и ХОПС. Во ординациите на овие доктори нема место за дискриминација.
ЈЗУ Клиничка болница „Д-р Трифун Пановски“ – Битола
Центарот за развој на ромската заедница „Баирска Светлина“ од Битола забележува дека ЈЗУ Клиничка болница „Д-р Трифун Пановски“ – Битола практикува авансно наплаќање на пациентите при отворање на историја на болест за болничко лекување, како и неиздавање на отпусни листи по завршување на болничкиот третман, во случаи кога пациентите не се во можност веднаш да ги покријат трошоците.
Ваквото постапување на Клиничката болница е забележано кај голем број на пациенти, меѓу кои најголем е бројот на припадници на ромската заедница, со што директно се врши повреда на правата од здраствена заштита, ограничувајќи го нивниот пристап до болничко лекување, како и користење на препишаната терапија односно понатамошни здравствени услуги во континуитет и зачувување на нивното здравје.
Повеќе »
Јас сум Аксел Ахмедовски, адвокат од Делчево и борец за човекови права, прв претседател на НВО „КХАМ“ од Делчево. Како адвокат работам од 2011-та година, а исто така најмногу сум препознатлив во давање на бесплатна правна помош на маргинализирани групи.
Активен сум во граѓанскиот сектор и се трудам да помогнам на секој човек што е во ризик. Јас не ги делам луѓето по етничка основа, но со сигурност и со аргументи можам да кажам дека токму ромската заедница е со најголеми животни предизвици пред сѐ во социјалната и здравствената сфера.
Повеќе »
Жителите од ромската етничка припадност во битолската населба Петочна вода живеат во супстандардни услови и со ограничен пристап до електрична енергија и вода. Еден од позначајните проблеми, кој се однесува на сопственоста на човекот врз неговиот имот, како основно човеково право, во оваа битолска населба е повредено и оневозможено, покрај поднесените барања за легализација.
Околу 70% од жителите на населбата Петочна вода немаат извршено легализација на своите домови, односно не поседуваат имотни листови, а со самото тоа им е ограничено и правото на вадење или обновување на своите лични карти.
Повеќе »
Во Дневниот центар за деца на улица во Шуто Оризари пристигна најубавиот период од годината. Време на најбараниот и најпосакуван Дедо Мраз да стопли многу детски срца. Во еден празничен дух и во моќта на овој период од годината, децата посакуваат да им бидат ислушани нивните приказни, состојбата во која се наоѓаат, а преку Новогодишната магија да им покажат добрини и да ги израдуваат, да доживеат радост, среќа и дружење, кои ќе придонесат за поубав свет и подобар живот.
Повеќе »
За да имаш здраво бебе треба да посетуваш матичен гинеколог навремено и редовно, но и да знаеш што да очекуваш од него.
Кои услуги и информации треба да ги добиеш од матичниот гинеколог при секоја посета и што сè е важно да знаеш доколку си бремeна или планираш бременост, можеш да дознаеш од информативното видео на Иницијатива на жени од Шуто Оризари.
Уште еден ноемвриски ден, сонцето повеќе свети отколку што грее, но пред мене е големо изненадување – Детско игралиште на сред село. Деца насмеани и весели, среќа од очите им извира. Јас пак дојдов во патронажна посета, да ги видам најпрво бебињата, потоа и старите лица, да им измерам притисок, а сите се концентрираат на лулашките, кај лизгалката се чека ред.
Повеќе »
