Преку теренска работа и работилници до поголема грижа за здравјето
Теренската работа и посетата на семејствата кои се во социјален ризик е еден од најголемите предизвици на ромската невладината организција „Амбрела“. Особено семејствата кои живеат на улиците „Брсјачка буна“ и „Пелагонија“ во општина Шуто Оризари.
Животот во импровизирани и лоши услови на живеење, без вода, канализација и асфалт е главната причина која придонесува за нарушено здравје на Ромите, особено здравјето на децата. Едукацијата и превенцијата од страна на претставниците од „Амбрела“ се спроведува и во домашни услови, каде се делат флаери и брошури, како и потребни информации поврзани со сѐ што значи здравје и грижа за истото.
Раниот детски раст и развој е еден од многуте приоритети на „Амбрела“. Во соработка со службата за имунизација, редовно се вршат превентивни прегледи и советувања на мајките во однос на правилниот раст и развој на нивните деца. Преку работилници се подига свеста кај родителите за важноста на здравјето на нивните деца особено во периодот од 0-6 годишна возраст.
Во соработка со НВО ХЕРА, Заводот за белодробни заболувања и Државната клиника, „Амбрела“ редовно секоја година спроведува бесплатни превентивни прегледи за ромското население на локално и национално ниво.
Меѓутоа, најголем предизвик на „Амбрела“ претставува едукација поточно пренесувањето и создавањето на позитивни навики кон образованието и кон сопственото здравје, како и други социјални вештини на децата од предучилишна возраст.
Љатифа Шиковска,
НВО Амбрела
