Без разлика на условите за живот, на доктор мора да се оди

Фустанче подарено од луѓе чии деца не го носат. „Не ново но е чисто, го исправ за кај доктор Снеже биде чисто детето“, раскажува Фатмира. Во овој дел од населбата Шуто Оризари граѓаните немаат вода, земаат од кај соседите, а многу често немаат ниту за перење ниту за бањање.

За Фатмира најголема среќа е што по цели три децении живот, таа пред четри години добила матичен број, а најмалото од четирите деца треба деновиве да добие извод.  Многу значи што има разбирање кај докторите и детето кога и да има здравствен проблем го прегледуваат. Малата Хасрет со мајка и заминаа во здравствениот дом. Патот прашлив, под силното сонце уште потежок. Пеш имаат десетина минути.

Видео прилогот е изработен во рамки на проектот „Промена на негативниот наратив кон Ромите во здравствените установи” финансиран од Фондација Отворено општество – Македонија.

ВИДЕО: ДАЛИ ФАКУЛТЕТОТ ВАКА НÈ УЧИ (ВТОР ДЕЛ)

Второто видео од одржаните форум-театарски претстави во Скопје, Штип и Битола насловени  „Дали факултетот вака нè учи?”.

„Дали факултетот вака нѐ учи?" (втор дел)

Во видеото во продолжение ја прикажуваме втората форум-театарска сцена и коментарите на присутните студенти.„Дали факултетот вака нѐ учи?" (втор дел)

Gepostet von Нови приказни од амбулантата am Mittwoch, 17. Juli 2019

Нема квалитетна здравствената услуга без квалитетна комуникација

На ден 13.5.2019 година (понеделник), во просториите на Медицинскиот факултет при Универзитетот „Св. Кирил и Методиј” во Скопје се одржа  третата форум-театарска претстава насловена „Дали факултетот вака нè учи?” во рамки на проектот „Промена на негативниот наратив кон Ромите во здравствените установи” што го спроведува ХЕРА – Асоцијација за здравствена едукација и истражување со поддршка од Фондација Отворено општество – Македонија. Повеќе »

Баба, ќерка и внука во една година стекнаа лични документи

Три генерации на жени од ова семејство оваа година треба да ги добијат сите лични документи. Тие престануваат да бидат „невидливи“ за системот, а со тоа добиваат можност да ги остварат своите здравствени, социјални и образовни права.

Неофицијално во Македонија има околу три илјади луѓе без матични броеви. Позитивна вест е што од први април 2018 година, до Управата за водење на матична книги може да поднесат барање за соодветно запишување.

Видеото е изработено како последователна активност на работилницата за новинар(к)и и студент(к)и по новинарство на тема „Предизвиците на истражувачкото новинарство во дигиталната ера“ во организација на ХЕРА.

 

Повик за учество на работилница за новинар(к)и и студент(к)и по новинарство

Во рамки на проектот за менување на негативните наративи за Ромите во здравствените институции, кој е финансиски поддржан од Фондација Отворено општество – Македонија, ХЕРА објавува повик за учество во работилница за новинар(к)и и студент(к)и по новинарство на тема „Предизвиците на истражувачкото новинарство во дигиталната ера“.

Еднодневната работилница е наменета за новинар(к)и и студент(к)и на завршни студии по новинарство и има за цел:

  • Подобрување на знаењата и вештините за изработка на инклузивни и недискриминаторски стории во медиумите;
  • Основи на истражувачко новинарство и користење на социјалните медиуми во креирање на успешна медиумска сторија;
  • Сензибилизирање на новинари и стекнување напредни знаења за социо-културните карактеристики на Ромите и менување на негативните наративи за Ромите помеѓу општата популација и здравствените работници.

Предавачи на работилницата ќе бидат Боби Христов, уредник и новинар, Бојан Кордалов, специјалист за односи со јавност и нови медиуми и Љатифе Шиковска, активистка од НВО „Амбрела“.

Повеќе »

За здрава бременост, најважни се информациите

За да имаш здраво бебе треба да посетуваш матичен гинеколог навремено и редовно, но и да знаеш што да очекуваш од него.

Кои услуги и информации треба да ги добиеш од матичниот гинеколог при секоја посета и што сè е важно да знаеш доколку си бремeна или планираш бременост, можеш да дознаеш од информативното видео на Иницијатива на жени од Шуто Оризари​.

„За здрава бременост, најважни се информациите“

Во кој период од бременоста е најдобро да се направи гинеколошки преглед? Кои услуги и информации треба да ги добиеш од матичниот гинеколог при секоја посета? Што сè е важно да знаеш доколку си бремена или планираш бременост? Сите одговори ги има во нашето информативно видео:

Posted by Иницијатива на жени од Шуто Оризари on Tuesday, December 19, 2017

Семинар „Менување на наративите за Ромите во здравствениот систем“ – со приказна до промена

Во периодот од 24-ти до 26-ти октомври 2017 год. во Охрид се одржа семинар на тема „Менување на наративите за Ромите во здравствениот систем“ во организација на Фондацијата Отворено општество.

Во преполна конференциска сала од околу 30-тина луѓе, оратори и учесници се случуваше вистинска лабораторија за раскажување приказни. И исто како што секое свесно, когнитивно, перцептивно човечко суштество ја доживува својата лична приказна како дел од себе така таа станува товар ако не се слушне, ако не се дознае, особено ако таа на некаков начин го има сменето текот на настаните во животот на оној на кого му се случила.
Повеќе »

Зацртана цел – реализиран сон

Сали Мемед од 2015-та година почнал да го остварува својот сон и преку претприемнички грант за самовработување го отворил веб порталот 24 Вакти на кој најголем простор им отстапува на проблемите со кои се соочува ромската популација. А, нив вели ги има многу!

Здравствено советувалиште – Гостивар

Аријета, Елма и Рахман се млади здравствени работници Роми, кои својата пракса ја стекнуваат преку волонтерско ангажирање во Здравственото советувалиште во НВО Сонце – Гостивар, а под менторство на д-р Ариф Пини. Кои услуги се нудат во ова советувалиште и кои активности се преземаат во насока на унапредување на здравјето на Ромите во Гостивар, погледнете во видеото >>

Завршен настан + Форум театар „Приказни од чекалната“

На 8, 9 и 10 април 2017 год. театарските сцени во Скопје, Делчево и Тетово беа претворени во големи чекални во кои проблемите со кои се соочуваат Ромите како пациенти во здравствениот систем, заеднички со публиката се обидувавме да ги решиме преку дискусија и актерска игра на сцена. Целта на форум театарот „Приказни од чекалната“ беше да се поттикне проактивноста кај граѓаните односно како од пасивни набљудувачи во секојдневниот живот да нè претвори во проактивни луѓе, кои ќе ја менуваат средината.

Настанот во Скопје, покрај премиерата на форум театарот, вклучуваше излагања на проф. д-р Елена Ќосевска (специјалист по социјална медицина), Љатифа Шиковска (активистка) и Марија Стефанова (психолог), како и проекција на кратки видеа кои се изработуваа во текот на проектот.

Актуелно

Без разлика на условите за живот, на доктор мора да се оди

Фустанче подарено од луѓе чии деца не го носат. „Не ново но е чисто, го исправ за кај доктор Снеже биде чисто детето“, раскажува Фатмира. Во овој дел од населбата Шуто Оризари граѓаните немаат вода, земаат од кај соседите, а многу често немаат ниту за перење ниту за бањање.

За Фатмира најголема среќа е што по цели три децении живот, таа пред четри години добила матичен број, а најмалото од четирите деца треба деновиве да добие извод.  Многу значи што има разбирање кај докторите и детето кога и да има здравствен проблем го прегледуваат. Малата Хасрет со мајка и заминаа во здравствениот дом. Патот прашлив, под силното сонце уште потежок. Пеш имаат десетина минути.

Видео прилогот е изработен во рамки на проектот „Промена на негативниот наратив кон Ромите во здравствените установи” финансиран од Фондација Отворено општество – Македонија.