Итната медицинска помош носи безброј приказни, се спасуваат човечки животи и пред сѐ се прават напори да му се помогне на човекот кога му е најпотребно. Во поголем број на случаи, од терен со насмевка се враќаме на работното место, но за жал не секогаш можеме да помогнеме приказните да имаат среќен крај. Во секој случај, наша обврска како здравствени работници е да помогнеме на личноста на која ѝ е потребна медицинска помош, па дури и да се работи за трагедија, да може да ја прифати загубата и да се посвети на сопствениот живот и на најблиските.
Дипломирав на Медицинскиот факултет во Скопје во 2004 година, иако факултетот го запишав со желба за работа со пациенти, сепак по дипломирањето мојата професионална кариера се насочи кон областа на јавното здравје. На оваа одлука кај мене значителни влијание имаше тоа што во последните три години од студиите преку мојот ангажман во повеќе граѓански организации, увидов дека преку работата на полето на јавното здравје може да се помогне на поголеми групи од населението да го заштитат и унапредат своето здравје.
Разговаравме со Салија Бекир Халим, како претставничка од Иницијативата на жени од Шуто Оризари. Таа одблиску ни ја долувува работата на Иницијативата, како и успесите и предизвиците кои се дел од ангажманот за унапредување на репродуктивните и здравствените права на жените од оваа општина.
Аријета, Елма и Рахман се млади здравствени работници Роми, кои својата пракса ја стекнуваат преку волонтерско ангажирање во Здравственото советувалиште во НВО Сонце – Гостивар, а под менторство на д-р Ариф Пини. Кои услуги се нудат во ова советувалиште и кои активности се преземаат во насока на унапредување на здравјето на Ромите во Гостивар, погледнете во видеото >>
Куќа полна гости! Во домот на Д-р Здравко се празнува домашна слава. Меѓу поканетите се Анифе и сопругот Емран. Во продолжение е деветиот и претпоследен дел од стрип приказната >>
Под мотото „Заштити, спречи, вакцинирај!“ од 22-28 април 2017 беше одбележана Европската недела на имуницизатијата. Граѓанската организација КХАМ од Делчево традиционално ја одбележа оваа недела со делење на хигиенски пакети за сите новородени деца Роми, родени во 2016-2017 година. Освен делењето на пакети, ова беше убава можност да се посети секое семејство, да се поразговара со мајките за проблемите со кои се соочуваат, да им се презентира Програмата за мајки и деца, но и да се проверат здравствените легитимации на новороденчињата поврзани со имунизацијата.
На 8, 9 и 10 април 2017 год. театарските сцени во Скопје, Делчево и Тетово беа претворени во големи чекални во кои проблемите со кои се соочуваат Ромите како пациенти во здравствениот систем, заеднички со публиката се обидувавме да ги решиме преку дискусија и актерска игра на сцена. Целта на форум театарот „Приказни од чекалната“ беше да се поттикне проактивноста кај граѓаните односно како од пасивни набљудувачи во секојдневниот живот да нè претвори во проактивни луѓе, кои ќе ја менуваат средината.
Настанот во Скопје, покрај премиерата на форум театарот, вклучуваше излагања на проф. д-р Елена Ќосевска (специјалист по социјална медицина), Љатифа Шиковска (активистка) и Марија Стефанова (психолог), како и проекција на кратки видеа кои се изработуваа во текот на проектот.
Како секоја млада личност која започнува со стремеж и огромна љубов и желба за реализација на својата животна приказна, така и јас ја започнав сопствената приказна пред сè со огромна желба и мотивираност.
Јас сум Елма Селмани, потекнувам и живеам во Гостивар. Студирав и дипломирав на отсекот по Логопедија при Медицинскиот факултет при Универзитетот „Св. Кирил и Методиј“ во Скопје. Во моментов сум специјализант во втор циклус на студирање односно на постдипломски студии за Клиничка логопедија.
Здравствен работник сум околу 40 години. Работата мене не ми е багаж кој го влечам со себе туку задоволство без кое јас не би била вистинската јас.
Се викам Есма Мустафовска, вработена како Лаборант во Здравствениот дом „Гоце Делчев“ во Делчево. Зад мене е животно искуство на кое можат да ми позавидат и филмски глумици, затоа што во животот имам поминато повеќе и од најголемите хуманитарци. Повеќе »
Д-р Здравко добива неочекуван телефонски повик со кој го известуваат за одредени промени. Погледнете за што станува збор во 8-то продолжение од стрип-приказната >>
Санела Емин е една од малкуте дипломирани актерки Ромки. Високото образование го завршува на Факултетот за драмски уметности во Скопје. Зад себе има бројни претстави во кои имала главни улоги.„Откако го завршив факултетот, имав значајни улоги меѓу кои и драмата „Бегалка“ која ја опишува приказната во која девојката не ја почитува волјата на својот татко и наместо да се омажи за човекот кој ѝ го избра семејството, таа решава да побегне со момчето што таа го сака”, – вели актерката Санела. Повеќе »
Итната медицинска помош носи безброј приказни, се спасуваат човечки животи и пред сѐ се прават напори да му се помогне на човекот кога му е најпотребно. Во поголем број на случаи, од терен со насмевка се враќаме на работното место, но за жал не секогаш можеме да помогнеме приказните да имаат среќен крај. Во секој случај, наша обврска како здравствени работници е да помогнеме на личноста на која ѝ е потребна медицинска помош, па дури и да се работи за трагедија, да може да ја прифати загубата и да се посвети на сопствениот живот и на најблиските.
